Апрелĕн 25-мĕшĕнче пĕтĕм  Чăваш  çĕршывĕ  Чăваш чĕлхи кунне уявларĕ. Чăваш чĕлхи эрнинче Шетмĕпуç шкулĕнче чăваш чĕлхипе литературине вĕрентекен Раевская Ирина Валентиновна ертсе пынипе çак ĕçсене туса ирттернĕ:   

Тăван чĕлхене халалланă сăвăсем янăрарĕç;

Çамрăк сăвăçсем «Тăван чĕлхем, чунри хĕлхем» конкурса хутшĕнчĕç; 

«Чăваш чĕлхи – ман тăван чĕлхем» ятпа çырнă сочиненисен фестивалĕ иртрĕ;

 Паллă юбиляра: чăваш халăх поэтне Ухсай Яковне халалласа викторина пулчĕ.

«Чăваш халăхĕн паттăр ывăлĕ А.Г. Николаев космонавта халалласа 5-6-мĕш классенче урок-çулçÿрев иртрĕ.

7-мĕш класра паллă композитора Федор Павлова халалласа «Юрлакан кĕленчесем» хайлав тăрăх ирттернĕ уçă урок иртрĕ. Унта Г.Лебедев ячĕллĕ чăваш наци шкулĕн музыка уйрăмĕнче вĕренекен Надежда Димитриева та хутшăнчĕ. Вăл ачасене тата урока пынă вĕрентекенсене Ф.Павлов, чăваш тата ытти халăх композиторĕсем çырнă кĕвĕсене сĕрме купăспа каласа кăтартса савăнтарчĕ.

5-мĕш класра вĕренекен Алексей Алексеев республикăри «Букварьтен тăван литературăна çити» конкурса хутшăнчĕ.

Шкулта чăваш чĕлхипе литературине вĕрентекен Раевская Ирина Валентиновна апрелĕн 25-мĕшĕнче районта Чăваш чĕлхи кунĕ ячĕпе ирттернĕ çавра сĕтел ĕçне хутшăнчĕ, «Чăваш чĕлхипе литературине тăван ен культурипе çыхăнтарса вĕрентесси» ыйтупа тухса калаçрĕ.

Ирина Валентиновна апрелĕн 28-мĕшĕнче Шупашкарти «Салют» Культура Керменĕнче Республикăри Вĕрентÿ Министерстви тата Чăваш Наци Конгрессĕ этнопедагогика ыйтăвĕсемпе ирттернĕ наукăпа практика конференцине хутшăнчĕ.

Хамăрăн тăван чĕлхене чысласа туса ирттернĕ тĕрлĕ ĕç ачасен асĕнче  ырă йĕр хăварчĕ.